2015-08-18 20:28

რუსეთში პირველი ახალშობილი დაარეგისტრირეს, რომელსაც ყირიმის ნახევარკუნძულის რუსეთთან შეერთების პატივსაცემი სახელი უწოდეს. კრიმ ალექსანდრეს ძე ეკატერინბურგში, ლენინის რაიონის მმაჩ-ის ბიუროში გააფორმეს. ამის შესახებ "იზვესტია" იტყობინება.

ამასთან, იზვესტია წერს, რომ ბოლო წლებში ამა თუ იმ მოვლენის ამსახველი სახელებიდან ყველაზე მეტად სახელი ოლიმპიადა რეგისტრირდება. ამ სახელით პეტერბურგში 5, კრასნოდარის მხარეში 2, ხოლო ნიჟნი ნოვგოროდში ერთი ბავშვი რეგისტრირდება.

შეგახსენებთ, საბჭოთა ეპოქაში სსრ კავშირთან დაკავშირებული სიტყვის ან სიტყვების კომბინაციით სახელების დარქმევის ტრადიცია არსებობდა. ზოგჯერ ეს სახელები ახლაც გვხვდება, ძირითადად, უფროსი თაობის წარმომადგენლებში: მელორი (მარქსი, ენგელსი, ლენინი, ოქტომბრის რევოლუცია), ლესტანბერი (ლენინი, სტალინი, ბერია), კამანდა, დაზმირი (და ზდრავსტვუეტ მირ) და სხვ.