მომღერალი ეკა კვალიაშვილი საქართველოდან წასვლას აპირებს.
მისივე თქმით, ასეთი გადაწყვეტილების ერთ-ერთი მიზეზი ისაა, რომ საქართველოში არ აფასებენ, როგორც მომღერალს და იძულებულია იმ ქვეყანაში წავიდეს, სადაც მის ნიჭს დაინახავენ.
„ჩემი წინაპარი სამშობლოსთვის სისხლს ღვრიდა, როგორც სიმღერის ნიჭი გადმომეცა მათგან, გადმომეცა სამშობლოს სიყვარულიც.
მაგრამ სიცოცხლეც მიყვარს, ვაფასებ ღმერთის მიერ ჩემთვის ბოძებულ ყოველ წამს და განუსაზღვრელი დროით ვერ დაველოდები ვიღაცას, რომელიც ქვეყნის სათავეში მოვა და აქ არსებულ პრობლემებს მოაგვარებს.
წავალ იმ ქვეყანაში, სადაც ნიჭს აფასებენ. ძალიან ნიჭიერი შვილი მყავს, შესანიშნავი მომღერალი, მაგრამ აქ პერსპექტივა არ აქვს, რაზე ვილაპარაკო.
ღმერთმა დაგვიფაროს, სანამ მიშას დააბრუნებენ, აქედან წავალ, აღარც მიშა მინდა და აღარც გრიშა, აღარ მინდა აქ ცხოვრება, პოლიტიკა მარტო ყელში კი არა, თავს ზევით ამოვიდა.
მივმართავ ჩემს ხალხს, გაუძელით, ჩემი კარგებო! და კიდევ ერთი – მინდა პრეზიდენტთან შეხვედრა – ნუთუ დამსახურებელი ადამიანისთვის ასეთი ძნელი უნდა იყოს ქვეყნის პრეზიდენტთან შეხვედრა და საჭირბოროტო საკითხებზე საუბარი“?! – გაოცებას ვერ მალვს ეკა კვალიაშვილი.
„ასავალ-დასავალი“
