2015-03-16 12:09

გავრცელებული ინფორმაციით, ამიკო ჩოხარაძეს, ფაქოს – ლევან გოგორელიანს და იუმორისტთა გუნდს GDS-ში ხელფასები გაუნახევრეს და ამის გამო ბიჭები ტელევიზიიდან წამოსვლაზე ფიქრობენ.

ამასთან, არხზე ამიკოს გადაცემა – „მისტერ ამიკოც“ აღარ გადის.

ამიკო ჩოხარაძე „რუსთავი 2“-ში დაბრუნებას უარყოფს, თუმცა სხვა არხზე გადასვლას არ გამორიცხავს.

„ხელფასი მხოლოდ ჩვენ ჯგუფს კი არ დააკლდა, ერთი წლის წინ მთელ ტელევიზიას შეუმცირდა ბიუჯეტი. ჩვენ ისევ GDS-ში ვართ. არ გამოვრიცხავ, შესაძლოა, რომ სხვა ტელევიზიაში გამოვჩნდე, მაგრამ არა „რუსთავი 2“-ში.

მე რომ ახლა „რუსთავი 2“-ში დავბრუნდე, ეს მაყურებელზე უარყოფითად იმოქმედებს. ჩემს მეობასაც ეხება და ვერ გავაკეთებ. შეიძლება ტელევიზიიდან წამოვიდე და ხელი სხვა საქმეს მოვკიდო. გამორიცხული არაფერია. სრულ ინფორმაციას ვერ მოგაწვდით.

ახლა მხოლოდ „ბინა 18“-ის სცენარზე და მუსიკალურ უზრუნველყოფაზე ვმუშაობ. არხზე გადაცემები არ იქნება. შეიძლება „ბინა 18“ დარჩეს და კიდევ თოქშოუ დაემატოს. მე, როგორც ვიცი, არხი ამერიკული სტილის სერიალების რეჟიმში გადადის,“ - აღნიშნა მან.

„რუსთავი 2“-ში დაბრუნებაზე ამიკო ჩოხარაძესთან მოლაპარაკებებს უარყოფს ვანო ჯავახიშვილი.

„მე, ამიკოსთან პირადად შეხვედრა არ მქონია. ვისაც შეხება შეიძლება ჰქონოდა ამიკოსთან, ეს ალეკოა.

მოლაპარაკებებს მასთან აწარმოებენ. ეს არ ყოფილა, თორემ მეცოდინებოდა. ისე კი, არავის დაბრუნება არ გვქონია პრაქტიკაში. თანაც, ერთი კაცის გადაწყვეტილებით არ ბრუნდებიან სამსახურში,“ - დასძინა მან.

http://primetimenews.ge/