2014-11-03 01:27

32 წლის ზვიად ლაგვილავა ზუგდიდში, სუს-ის შენობის აფეთქების დროს დაიღუპა. როგორც ჩანს, თავის კაბინეტში ჩაძინებულმა ზვიად ლაგვილავამ გაღვიძებაც ვერ მოასწრო: ჩამონგრეული კედელი სწორედ იმ ადგილს დაეცა, სადაც მას ეძინა. ნანგრევებიდან ცხედრის ამოსაყვანად სპეცტექნიკა გახდა საჭირო.

სანამ პოლიციელი გახდებოდა, ზვიად ლაგვილავა მღეროდა. მღეროდა ცალკეც, მეგობრებთან ერთადაც, შემდეგ კი უკვე - ზუგდიდში ახლადშექმნილ ბენდში. სიმღერამ უამრავი ადამიანი გააცნო, ბევრთან დაახლოვა. მისი ბავშვური ხასიათისა და ასეთივე ღიმილის გამო ყველას უყვარდა. მის მეგობრებს შორის ნინი შერმადინი და გიორგი ფოჩხუაც იყვნენ. 

მისი მეგობრები, უბრალოდ, ნაცნობები, ამ დრომდე შოკირებული არიან მომხდარით. თუმცა, ზუსტი პასუხი კითხვაზე: რა მოხდა სუს-ის შენობაში, რა თქმა უნდა, არავის აქვს...