2014-11-02 00:24

ჟურნალისტი გიორგი ფოფხაძე ევროპაში "საზოგადოებრივი მაუწყებლისთვის" იმუშავებს. როგორც თავად ჟურნალისტი წერს, ის მზადაა, ევროსტრუქტურებთან მუშაობის 14-წლიანი გამოცდილება "საზოგადოებრივ მაუწყებელში" გამოიყენოს და მის მაყურებელს გაუზიაროს. ჟურნალისტი წერს, რომ ყველაფერი დღეს გადაწყდა.

შეგახსენებთ, გიორგი ფოფხაძემ "საზოგადოებრივი მაუწყებლის" საინფორმაციო სამსახურის უფროსის თანამდებობაზე საჯარო განაცხადი გააკეთა. "ფეისბუქში" მისი მხარდასაჭერი რამდენიმე გვერდიც შეიქმნა, თუმცა, საბოლოდ, გიორგი ფოფხაძე "საზოგადოებრივი მაუწყებლის" ალტერნატიულ წინადადებას დათანხმდა.

"მოკლედ მეგობრებო ორშაბათიდან საზოგადოებრივ მაუწყებელზე ბრიუსელიდან შევხვდებით ერთმანეთს.. ძალიან დიდი მადლობა ამ ყველაფრისათვის საზმაუს ხლემძღვანელობას, დირექტორს გიორგი ბარათაშვილს, ყველა იმ ადამიანს რომლებმაც ჩათვალა რომ, მე შემიძლია სახელმწიფოსთვის სახელმწიფოებრივად, სახელმწიფო ტელევიზიის მეშვეობით ვიმუშაო ბრიუსელიდან... დიდი მადლობა ყველას..

შევეცდები პირველ რიგში მაყურებლის იმედები გავამართლო.. ჩემი ქვეყნის ადგილს მე პირადად ევროპაში ვხედავ, ამიტომ ბრიუსელში ევროტრუქტურებში, სადაც მე 14 წელი ვიმუშვე ევროპული ტელე-რადიო საშუალებებისთვის ძლიან დიდი ვალდებულებაა საზოგადოებრივი მაუწყებლისთვის მუშობა...

შევეცდები მუდამ ვიყო მიუკერძოებელი ოდენ აქამდე ყოფილა... კიდევ ერთხელ დიდი მადლობა ყველა იმ ადამიანს ვინც დამარწმუნა მიმეღო ეს გადაწყვეტილება ..ვინც დიდი ნდობა გამომიცხადა", - წერს გიორგი ფოფხაძე.