წლინახევრის კირა ჟ., რომელიც სახლში კატის კნუტს ეთამაშებოდა და მის ნახტომს მიყოლილი, მოულოდნელად გაღებული ფანჯრიდან გადმოვარდა, სასწაულით გადარჩა. შემთხვევა მოსკოვში, ტურიზმის ქუჩაზე მოხდა.
თავდაპირველად კირა ბავშვთა საავადმყოფოში გადაიყვანეს, შემდეგ კი ბავშვთა გადაუდებელი ქირურგიის ცენტრში. მან თავის ქალის დახურული ტრავმა მიიღო. ექიმების განცხადებით, ბავშვის ვარდნის სიჩქარე ხის ტოტებმა შეანელა.
ისინი იმედოვნებენ, რომ გოგონას სიცოცხლეს საფრთხე არ ემუქრება. ფანჯარა, საიდანაც ბავშვი გადმოვარდა, საცხოვრებელი კორპუსის მე–9 სართულზე მდებარეობს.
მშობლები იხსენებენ, რომ ბავშვი ოთახში კატის კნუტთან თამაშობდა, მოულოდნელად ქარმა დაუბერა და დახურული ფანჯარა გამოაღო, ამ დროს კი კნუტმა ფანჯრის მიმართულებით ისკუპა. სანამ ვინმე გონს მოვიდოდა, ბავშვი კნუტის ნახტომს მიჰყვა და ფანჯრის რაფაზე შეხტა, თავი ვერ შეიმაგრა და გადავარდა.