2015-07-02 23:21

უკრაინის ჯანდაცვის აწ უკვე ყოფილი მინისტრი ალექსანდრე კვიტაშვილი ამბობს, რომ რადგან რადაში ყველაზე მსხვილმა ფრაქციამ მის წინააღმდეგ მისცა ხმა, გადაწყვიტა, რომ რეფორმებისთვის ხელი არ შეეშალა და თავად წასულიყო თანამდებობიდან.

ალექსანდრე კვიტაშვილი ამბობს, რომ არც ბრძოლით დაღლილა და არც ხელი ჩაუქნევია. მისი თქმით, ის დარჩება კიევში და ახალ მინისტრს დაეხმარება რეფორმების გატარებაში. ჟურნალისტის შეკითხვაზე, რას იტყოდა მისი საქმიანობის შეფასებაზე მიხეილ სააკაშვილის მხრიდან, კვიტაშვილმა უპასუხა, რომ ის კარგად იცნობს მიხეილ სააკაშვილს. 

შეგახსენებთ, მიხეილ სააკაშვილმა განაცხადა, რომ ჯანდაცვის მინისტრის თანამდებობაზე მყოფმა აგრესიული პოლიტიკა უნდა გაატაროს, ხოლო კვიტაშვილი, რომელსაც ხასიათის ეს თვისება არ გააჩნია, თანამდებობიდან უნდა წავიდეს.