-
2014-01-30 23:26
სანამ კვარიათის აგარაკის შესახებ დასმულ შეკითხვაზე გასცემდა პასუხს, ვანო მერაბიშვილი სასამართლო პროცესზე ანეკდოტს მოჰყვა.
„ნაციონალური მოძრაობის“ ლიდერს ანეკდოტი კვარიათის აგარაკის საკითხთან მიმარტებაში გაახსენდა, კერძოდ, იმ ასპექტში, რომ აგარაკი ჩამორთმეული იყო:
„ქუთაისში მანქანაზე მიყუდებულ ქუთაისელს ძალოვნები ეუბნებიან: „გადააყენე მანქანა!“ . ქუთაისელი უარზეა. „გადააყენე, გადააყენე, რომ გეუბნებით, თორემ ჩამოგართმევთ!“. „ჩამომართვით, რა, სხვას მივეყუდები!“, – პასუხობს ქუთაისელი“.
ვანო მერაბიშვილის განცხადებით, აგარაკი კვარიათში არ იყო მისი პირადი საკუთრება, ის იყო ჩამორთმეული კერძო პირისთვის და იქ შსს–ს სხვა მაღალჩინოსნებსაც დაუსვენიათ.
ვანო მერაბიშვილის მიერ მოყოლილ ანეკდოტს დარბაზში გამოცოცხლება მოჰყვა ("ინტერპრესნიუსის" ფოტო).