2014-12-23 00:11

უკრაინაში, პრორუსი სეპარატისტებისა და რუსეთის რეგულარული არმიის ნაწილების იერიშის დროს დაღუპული "აიდარის" ქართველი მოხალისის ალეკო გრიგოლაშვილის შესახებ მისი მეგობრები ერთ სახასიათო ეპიზოდს იხსენებენ.

"...ეს ისტორია ქუთაისის წყალმომარაგების ყველა თანამშრომელმა იცის... 2011 წელს ალეკო იქ მუშაობდა.
ზუსტი პერიოდი არ მახსოვს, ქალაქის ცენტრალურ მაგისტრალზე რაღაც დაზიანება მოხდა, რისი ნახვაც გარეგანად შეუძლებელი იყო და სხვადასხვა სახის სამძებრო სამუშაოებმა შედეგი ვერ გამოიღო.

მიუხედავად იმისა, რომ პროგრამისტად მუშაობდა და სამსახურეობრივად არანაირად არ ევალებოდა, ალეკომ პრობლემის გადაჭრის თავისი გზა შემოგვთავაზა და წლის მილში შესვლა დაიჟინა (სამხედრო გამოცლიება მაძლევს ამის საშუალებასო).

მინიმალური აღჭურვილობით, 4 მეტრის სიღრმეზე წყლის მაგისტრალურ მილში სადღაც 600 მეტრი გაიარა და ზემოთ ამოსულმა დაზიანების ადგილი ზუსტად მიგვითითა. პრობლემაც მალე აღმოიფხვრა და ქალაქს წყალმომარაგება აღუდგა".