2014-12-16 06:16

ეს ბარბაროსული ტრადიცია, რომელსაც ვერც ცხოველების უფლებების დამცველმა ორგანიზაციებმა, ვერც სამართალდამცველებმა მოუხერხეს რამე, ყოველ წელს ათასზე მეტ შავ დელფინს იწირავს.

ფარერების კუნძულებზე ვიკინგების შთამომავლები შავი დელფინების მასობრივ ხოცვა-ჟლეტას აწყობენ და ამას ტრადიციის ერთგულებით ხსნიან. მოკლული დელფინის ხორცი იქვე ნაწილდება ადგილობრივ მოსახლეობაში - ის ბაზარზე არ იგზავნება.

ტრადიცია ჯერ კიდევ მე-18 საუკუნიდან იღებს სათავეს. ამჟამად მას ფარერების კუნძულების ოცამდე სოფელსა და ქალაქში მისდევენ.

დელფინებს სპეციალური დანით ფატრავენ ისე, რომ სიკვდილი 30 წამში დგება. ბოლო დროს დელფინთა დაცვის ორგანიზაციების ზეწოლით მჭრელი ბარჯები და შუბები, რითაც დელფინებს იჭერენ და ნაპირისკენ მოათრევენ, ბლაგვი ბარჯებით ჩაანაცვლეს.

დელფინების ხოცვა-ჟლეტა იმდენად მასშტაბურია, რომ ფარერების რამდენიმე კუნძულის სანაპიროზე ზღვა წითლდება და რამდენიმე დღის განმავლობაში ვერ იბრუნებს ჩვეულებრივ ფერს.