2014-11-19 21:39

რუსეთში, ივანოვოს ოლქში, ერთერთ კაფეში შეჭრილმა, სავარაუდოდ, "ომონის" წარმომადგენლებმა ბარში მყოფი ხუთი ახალგაზრდის მიერ დაკავებულ მაგიდას მიაშურეს და ხელჩართული ჩხუბი ატყდა.

ომონელებს მაკაროვის სისტემის პისტოლეტები და ავტომატებიც ჰქონდათ. სათვალთვალო კამერებით გადაღებული კადრებში ყურადღებას იპყრობს ახალგაზრდა, რომელიც ცენტრში, მაგიდასთან ზის და მის ირგვლივ ატეხილი აურზაურის მიუხედავად, მშვიდად აგრძელებს ჭიქიდან სითხის სმას მაშინ, როცა ბარის სხვა სტუმრები იქედან გარბიან.

რუსული და ქართული მედიის ნაწილმა გაავრცელა ინფორმაცია, თითქოს კადრები უკრაინაშია გადაღებული, ხოლო ასე უხეშად ბარში მყოფებს უკრაინელი პოლიციელები ექცევიან, რაც არ სიმართლეს არ შეეფერება. სხვადასხვა ვიდეოპორტალზე გავრცელებული ამ კადრების კომენტარებში ზუსტად დაასახელეს ადგილი რუსეთში, სადაც ეს ბარი მდებარეობს.