2014-11-15 09:22

ხელოვნების დამსახურებული მოღვაწე, კინომცოდნე, კარგად ცნობილი გადაცემა "ილუზიონის" იდეის ავტორი და გადაცემის უცვლელი წამყვანი ოთარ სეფიაშვილი 84 წლის ასაკში, ნიუ-იორკში გარდაიცვალა.

„ილუზიონი“ პირველად ეთერში 1981 წლის 1 იანვარს გავიდა. ხმაურით „დაბადებულ“ გადაცემას სკანდალები თან სდევდა. როგორც ოთარ სეფიაშვილი იხსენებდა, გადაცემის დახურვა რამდენჯერმე სცადეს, მაგრამ იმის გამო, რომ როგორც საქართველოს, ასევე ცენტრალური ტელევიზია საპროტესტო წერილებმა აიკლეს, გადაცემა „ილუზიონი“ მუდამ ბრუნდებოდა.

„თბილისში ერთი ტაქსისტი ქალი იყო, როცა მის მანქანაში ჩავჯექი და მიცნო, სიგარეტის კოლოფი მომაწოდა - დამიწერე, რომ ჩემს მანქანაში იჯექიო“, - სიცილით იხსენებს იმ წლებს ოთარ სეფიაშვილი, რომელიც ნიუ-იორკში „ქრონიკამ“ და ბექა ელბაქიძემ 2009 წელს მოინახულეს (თანდართული ვიდეო).