-
2015-04-28 10:58
საქართველოს ყოფილი პრემიერმინისტრის ბიძინა ივანიშვილის ყოფილი მრჩეველი გია ხუხაშვილი აცხადებს, რომ ბიძინა ივანიშვილს მუდმივად აწუხებენ რჩევების მისაცემად მინისტრები და ეს მოცემულობა მათ ხელს აძლევთ, რადგან მერე ხელს სწორედ ივანიშვილზე შეიხოცავენ.
„ივერიონთან“ საუბარში გია ხუხაშვილის ასკვნის, რომ ბიძინა ივანიშვილი კი არ მართავს ქვეყანას, არამედ მას ხელისუფლება ითრევს გადაწყვეტილებების მიღებაში:
„ვფიქრობ, რომ ივანიშვილი არ მართავს ქვეყანას, ხელისუფლებასთან კომუნიკაცია მას თავისი სურვილით კი არ აქვს, არამედ ხელისუფლება მუდმივად ითრევს მას გადაწყვეტილების მიღებაში. ივანიშვილი რჩევებს თავისი სურვილით არ გასცემს -მას რჩევის მისაღებად გამუდმებით აწუხებენ პრემიერ-მინისტრი და მინისტრები, რომელთაც სურთ, რომ თავიანთი შეცდომები ივანიშვილს დაბრალდეს და ასე კომფორტულად გრძნობენ თავს!
ტუალეტში შეიძლება გავიდე, ბატონო ბიძინა? ამასაც კი იმიტომ ეკითხებიან, რომ მერე თვითონ არაფერზე აგონ პასუხი. (კარგია ჰალსტუხის გაკეთება და კაბინეტში ჯდომა, თუ მათი სისულელე სხვას დაბრალდება). ერთი სიტყვით, “ნაციონალურ მოძრაობასა“ და დღევანდელ ხელისუფლებას შორის ჩუმი ალიანსია (არა გარიგება), რაც ხელს აძლევთ, მუდმივად ბიძინაზე შეიხოცონ ხელი!”, - ამბობს გია ხუხაშვილი.