2014-11-11 16:21

აღნიშნულის თაობაზე პროექტის მედიასთან ურთიერთობის მენეჯერი, სალომე ლილუაშვილი ფეისბუქის პირად გვერდზე წერს.

„რამდენიმე წუთის წინ საფრანგეთიდან დარეკა ჩემთვის უცნობმა ადამიანმა, მარტინ გეორქიევმა:  წუხელ „ნიჭიერს“ ვუყურე და გოჩა ჭაბუკაიძის ნამღერი და მისი პირადი ისტორია განსაკუთრებით მომხვდა გულზეო.

საფრანგეთში ვცხოვრობ 15 წელია, აქ ექიმი ვარ და იქნებ გამაგებინოთ, რით შემიძლია დავეხმარო მის შვილს, იქნებ რა სჭირდება, იქნებ საბუთები ან სამსახური არ აქვს, იქნებ- იქნებო...

ვინც არ იცით, გეტყვით, რომ ბატონი გოჩას შვილი 9 წელია საფრანგეთში ცხოვრობს. სწორედ მისთვის იმღერა ბ-ნმა გოჩამ, იქნებ ტელევიზორში მნახოს მონატრებულმა შვილმაო.

ჩვენ ჯერ შვილის რეაქცია არ ვიცით, მაგრამ ფაქტია, რომ ემიგრანტებზე ძალიან ემოციურად იმოქმედა ნანახმა. ჰოდა, ახლა სიამოვნებისგან გაშტერებული ვზივარ.

ჰო, ვითომ არაფერი განსაკუთრებული, მაგრამ რა მაგარია, როდესაც სადღაც ვიღაც ქართველი რომელიღაც უცნობ ქართველზე ზრუნვას ცდილობს. ალბათ, იმდენად იშვიათია უანგარო სიკეთე, რომ ძალიან მიჩუყებს გულს!“ - წერს სალომე ლილუაშვილი.