ჟურნალისტი ირაკლი ტაბლიაშვილი "პირველ არხზე" ბიძინა ივანიშვილის ექსკლუზიურ ინტერვიუს ეხმიანება. ტაბლიაშვილი სტატუსს "ფეისბუქზე" აქვეყნებს.
"ამ ქვეყანას არ მართავს არც "ქოცისტანი" და არც "ქოცლანდია"... და არც "ქართული ოცნება" მართავს.
მეტიც, მას არ მართავს ბიძინა ივანიშვილიც კი! ის ხომ, ფორმალურად, წასულია და თან რადგან ამბობს, არა, არა - მე არ ვმართავო! მოდი, დავუჯეროთ მას! ვენდოთ!..
დიახ, ბატონო ბიძინა, თქვენ არ მართავთ ამ ქვეყანას!
და ჩვენი კითხვები - საიდან იცით პროკურატურის კაბელების წვერების ბოჭკოების რადიუსების თაობაზედ, რასაკვირველია, არამართებულია!!! ბოდიში, რომ ამგვარი კითხვები გვაწუხებს, ჩვენ ხომ ჯერ ვერ მოვხვდით და, სავარაუდოდ, ვერც მოვხვდებით ექსპერტთა გადამზადების ცენტრში, რომელსაც ჰქვია 20-30!
ამდენად, შეგვიდეთ ჩვენ - ცოდვილებს!
შეგვინდეთ მათ შორის ამგვარი კითხვაც... კითხვა კი არა - ჩაანალიზება - რაღაი ბ-ნი ჯანელიძე არ მუშაობდა რუსეთის სპეც.სამსახურებში, შესაბამისად, მასთან არც კავშირები უნდა ჰქონდეს... ეს როგორ მოგვივიდა, რომ ამას ვერ მივხვდით?
და საერთოდაც - თავადაც ხომ ხედავთ, ძალიან ხშირად გვეშლება... განვლილმა 9 წელმა რაც გვიქნა, თავადაც ხედავთ, ხოლო თქვენ, მენცარ-გამოვლილი უკანასკნელი თავისუფალი ადამიანი რომ ხართ, ეს ხანდახან გვავიწყდება - ჩვენ - ამბიციურებს.
ამდენად, გთხოვთ... მეტიც, მოვითხოვთ, სასწრაფოდ დადეთ დოსიეები ჩვენზე - დაარქივებულები... თქვენ - უნივერსალი ხომ ყველაფერს უყურებთ და აკონტროლებთ... მეტიც - სასურველია, ეს სწორედ ხსენებულ ორგანიზაციაში გადამზადებულმა ექსპერტებმა დადონ და აგვიფრიალონ თვალწინ - როგორ, როგო ვცდებოდით მთელი ცხრა... ცხრა კი არა - 99 წელი!
აი, მართავთო, რომ გედავებით ან კი როგორ გვიტრიალდება ენა - მართვა რომ გდომებოდათ, იქ არ იყავით? რაღატომღა წახვიდოდით... რა დიდი მიხვედრა უნდა ამას?!
ან, რა დიდი ანალიტიკოსობაა საჭირო - რადგან სულ უფრო იშვიათად გიკავშირდებათ მოქმედი პრემიერი, შესაბამისად, სად ჩანს მართვა?.. პროკურატურის მასალები რომ გაგვაცანით, ეს ხომ რეალურად, საჯარო იყო და კაბელის ბოჭკოს რადიუსების წაკითხვა ქმ განცხადებიდანაც შეიძლებოდა.
ბოდიში, ბატონო ბიძინა... გულწრფელად გიბოდიშებთ! ხვალ გადასახდელი მაქვს 980 დოლარი ბანკში და, ხომ ვერ შემეხიდებით მე - სინანულში ჩავარდნილს?"...
