ასე გამოეხმაურა ექსპერტი გია ნოდია ფარულ მოსმენებთან დაკავშირებულ კანონპროექტზე პრეზიდენტის მიერ ვეტოს დადებას და პარლამენტის მხრიდან ამ ვეტო მხარდაჭერას.
„ეს გასაღები საბოლოოდ ვის დარჩება, ღმერთმა უწყის.
გამიხარდება, თუ მოსმენებზე სასამართლოს ეფექტური კონტროლი დაკანონდა, მაგრამ ეს ქვეყნისთვის გადამწყვეტი საკითხი არ არის (თან მეეჭვება, მაინც არ მოგვისმინონ, თუ ძალიან მოუნდათ, სასამართლოს სანქციით თუ მის გარეშე).
მთავარია, რომ მთავრობამ, ანუ ღარიბაშვილმა (ბიძინა ამ კონკრეტულ საქმეში რამდენად იყო ჩართული, არ ვიცი და არც მაინტერესებს) იწვნია სილა ჯერ პრეზიდენტისგან და მერე, რაც მთავარია, პარლამენტისგან.
პრეზიდენტი, საპარლამენტო უმრავლესობა და ოპოზიცია ერთ მხარეს აღმოჩნდა, ღარიბაშვილი და ნუკრი ქანთარია - მეორე. ვის რა მოტივი ჰქონდა, სხვა ამბავია, საბოლოოდ, ეს ფაქტი დარჩა მყარ შედეგად. ამიტომ ჯამში კარგი დღე იყო. მისი მნიშვნელობა არ უნდა გავაზვიადოთ, მაგრამ მაინც“, - წერს გია ნოდია სოციალურ ქსელში.
