2014-10-28 16:08

ტელეწამყვანი ნანუკა ჟორჟოლიანი სოციალურ ქსელში ანუკი არეშიძის ნათესავს გამოესარჩლა.

„კახი კალაძის ცოლის დეიდაშვილი დაინიშნა გამგეობაში და ატყდა პანიკა:).

იმიტომ, რომ კახის ცოლის დეიდაშვილია, მუშაობის უფლება არ აქვს, თუ რა ხდება:)  ძაან უცნაური ისტერიკაა ამ თემის ირგვლივ. ხელოვნურს გავს ცოტა:)...

ბევრს ვნახავ რეზიუმეში რომ არაფერი უწერია. მთავარია საქმე გააკეთოს... ერთი დეიდაშვილი ყველასი იმუშავებდა სადღაც:)

მე ობიექტურად მესმის, რატომ არის პანიკა, როცა მთელი კახეთი საქმდება და მაღალ თანამდებობებზე და თან ძალოვან სტრუქრურაში:), მაგრამ მგონია, რომ რაღაცებზე ხელოვნურად ხდება...  თითო ნათესავი ყველას აღმოაჩნდება დასაქმებული:) ადრეც და ეხლაც:)

პრობლემა იცი რა არის? მთელი ძალივანი სტრუქტურა რომ სანათესაოს ჩააბარა, თუნდაც ცოლის:) მაღალ თანამდებობებზე დასვა ყველა. სხვამ ოღონდ. ეგ პრობლემაა:) და ადამიანები აუცილებლად იმუშავებენ სადღაც. იქნებ მანამდეც მუშაობდა და რა, იმიტომ რომ კახის ცოლის დეიდაშვილია წამოვიდეს და აღარსად იმუშაოს?", - წერს ჟორჟოლიანი.

საქმე იმაშია, რომ არასამთავრობო ორგანიზაციამ „მონიტორინგის ცენტრი-მედიატორი", გამოაქვეყნა ინფორმაცია, რომლის თანახმადაც კახა კალაძემ ცოლის ძმა, გიორგი არეშიძე თბილისის მერიაში სოციალური მომსახურებისა და კულტურის საქალაქო სამსახურში უფროსის მოადგილედ დანიშნა.

ანუკა არეშიძის ბიძა, ბესიკ ჭუმბურიძე დოლიძე-ბახტრიონის მუნიციპალიტეტის თავმჯდომარეა, ვიცე-პრემიერის მეუღლის დეიდაშვილი ლუკა კანკავა კი საბურთალოს  გამგებლის მოადგილედ დანიშნეს.