2014-10-26 21:57

ტელეწამყვანი ინგა გრიგოლია სოციალურ ქსელში მორიგ პოსტს იმ კოლეგებს უძღვნის, რომელთა გადაცემები ვერ სცდება 0%-იან რეიტინგს, სამაგიეროდ სხვის გადაცემებს აკრიტიკებენ.

„რა უხერხულია, შენ რომ რაღაც გაუგებარ გადაცემას აკეთებ, უკვე კარგა ხანია რომლის ყურებადობაც 0,00 რაღაც პროცენტია.

რომელიც კაცს არ უნახავს, იმიტომ, რომ უინტერესოა და უხარისხო და საკუთარის გამოსწორების ნაცვლად, სხვების გადაცემაზე რომ ხარ ჩაფიჩინებული.

გიჟივით უყურებ ეკრანს და გიჟივით წერ მერე ფბ-ზე მორალისტურ პოსტებს... ძაან უხერხულია... ძააან...

ერთი-ორ ჩემს კოლეგაზე ვწერ))))) თან ძაან მინდა მათი „მოთაგვა“, მაგრამ მაინც მერიდება ჯერ...

აი, მაგარი რომ ჰგონიათ თავი და უსაშინლეს გადაცემებს რომ აკეთებენ...“, - წერს გრიგოლია „ფეისბუქის“ პირად გვერდზე.

ინგას პოსტს ნანუკა ჟორჟოლიანი გამოეხმაურა.

„დიდი ხანია ვაკვირდები მაგ კრიტიკის ამბავს და ზოგადად ეგრეა;) რაც უფრო მეტად არ გამოსდის, ვერ აკეთებს, ვერ ქმნის პროდუქტს ჩვენს სფეროში, მით უფრო მეტს ეგ "სასტავი" ან ადამიანები ლაპარაკობენ.

ამჯერად არ ვიცი, ვის გულისხმობ, მაგრამ დიდი ხანი მხოლოდ იმათ კრიტიკას ვკითხულობდი სტატიებში, ვინც 1% წლები ვერ ასცდა:)“ - წერს ჟორჟოლიანი.

„აი,ზუსტად და თავს მე ვგრძნობ ხოლმე უხერხულად მათ ნაცვლად...“ - უპასუხა ინგა გრიგოლიამ.