საპარლამენტო უმცირესობის წევრი „ფეისბუქის“ პირად გვერდზე წერს, რომ საჯარო ის ინფორმაცია გახადა, რაც მას პირადად მიაწოდეს.
„ერისთავების ოჯახს კარგი იქნებოდა, პირადად ჩემთან დაკავშირებით, გაგერკვიათ რაზე აკეთებთ კომენტარს.
კიდევ ერთხელ განვმარტავ: საჯარო გავხადე ის ინფორმაცია, რაც პირადად მომაწოდეს.
დაგეხმარებათ რამეში ხომ კარგი, არადა თქვენი საქმის თქვენ იცით.
წარმატებებს გისურვებთ! „ბლონჟეიანი დეზინფორმატორი ხაჩიძე", - წერს ხაჩიძე.
შეგახსენებთ, რომ ვაკეში აბაშიძის ქუჩაზე მოკლული ლაშა მახარაძის მეგობრის, თენგო ერისთავის ძმამ, გიორგი ერისთავმა „ნაციონალურ მოძრაობას“ მიმართა.
„ჩემი ოჯახი ითხოვს, რომ ეს საკითხი არ უნდა იყოს პოლიტიზებული.
მსურს შევეხმიანო „ნაციონალური მოძრაობის“ წარმომადგენლებს თავიანთი „ბლანჟეიანი“ დეზინფორმაციის გამავრცელებლიანად, ხაჩიძეზე ვსაუბრობ, რომელიც არასწორ გვარებს ასახელებს სამართალდამცავებისა, ჩემი ძმა კრიმინალად სწორედ თქვენმა მთავრობამ შერაცხა, მაშინ სად იყო ხაჩიძე და „ნაციონალური მოძრაობა“?“, - განაცხადა გიორგი ერისთავმა.
თენგიზ ერისთავი სამართალდამცველებმა ნარკოდანაშაულის ბრალდებით 17 სექტემბერს დააკავეს.
შსს-ს ინფორმაციით, მას 7 აბი ნარკოტიკული ნივთიერება "სუბოტექსი" აღმოაჩნდა.
დაკავებულის ოჯახის წევრების განცხადებით, ერისთავს ნარკოტიკები ჩაუდეს და ის აბაშიძეზე მოკლული ლაშა მახარაძის მეგობარია და მათი ვარაუდით, დაკავება შესაძლოა ამ ფაქტს უკავშირდებოდეს.
