"ურიგო არ იქნებოდა, ჭორების გამავრცელებლებმა ქვეყანას მიხედონ" - წერს თემურ იაკობაშვილი დღეს გავრეცელბულ ინფორმაციის პასუხად, რომლის თანახმად, პრეზიდენტ მარგველაშვილის აშშ–ში ვიზიტის დაგეგმვაში ის იყო ჩართული.
"ახლახანს აღმოვაჩინე, რომ თურმე, პრეზიდენტის ვიზიტებს "ვამზადებდი". ვინც ასეთ ჭორებს ავრცელებს, წარმოდგენა არ აქვს, თუ როგორ მზადდება საპრეზიდენტო ვიზიტები! მესმის, რომ შიშს დიდ თვალები აქვს, მაგრამ ტყუილებს - მოკლე ფეხები. თურმე, ზოგიერთებს ტვინიც მოკლე ჰქონიათ.
ჰოდა გაოცების ნიშნად ვშლი ხელებს. ურიგო არ იქნებოდა, ასეთი ჭორების გამავრცელებლებმა ქვეყანას მიხედონ, რომლის საერთაშორისო რეპუტაცია კატასტროფულად დაეცა! ასევე ვურჩევ მათ, ისწავლონ მეგობრობა პოლიტიკის გარეშე. დამიჯერეთ, ეს შესაძლებელია!,"- წერს იაკობაშვილი ,,ფეისბუქის" პირად გვერდზე.