2014-09-05 12:30

მსახიობი თინა მახარაძე ბოლო დროს არსებული კრიმინალური ვითარების შესახებ სოციალურ ქსელში მორიგ პოსტს აქვეყნებს. 

„ჩემი ბავშვობიდან ორი სიტყვათა შეთანხმება მახსოვს ყველაზე მძაფრად: "ადამიანების დაუთოვება" და "ბოთლზე დასმა". პირველზე ჩემმა პატარა ძმამ კითხვა დასვა რამდენიმე წლის წინ, ეგ რას ნიშნავსო და ძალიან გამიხარდა. უჰ-მეთქი, ფონს გავსულვართ, ბედნიერი თაობა, უკან რომ მოიტოვა ოთხმოცდაათიანები თავისი ყოველდღიურობით დამკვიდრებული ტერმინოლოგიით და აი, მე დღეს მადლობა მინდა, გადავუხადო ხელისუფლებას, ბავშვობა რომ დაგვიბრუნა.

თაობებს შორის ხიდჩატეხილობის პრობლემა მომენტალურად გადაჭრა და თუ ძალიან უპრიანი არ იქნება ამაზე ლაპარაკი, "ბოთლზე დასმის" უპრიანობაზე რომ დაგვაფიქრა დიდიც და პატარაც. ალავერდს ვარ ჭიკაიძესთან. კი უნდა დაგვაკვდეს, სადაც სამართალია“, - წერს მახარაძე „ფეისბუქის“ საკუთარ გვერდზე.