-
2014-09-03 06:21
ირაკლი ვაჭარაძე წერს, რომ დიჯეი დაჩი დარჩიას მკვლელობის შემდეგ, მის ხელთ არსებული ვერსიით, მკვლელობაში ბრალდებულის ადვოკატი ოჯახს დამამცირებელი ე.წ. გამოკვლევის ჩატარებას სთავაზობს.
„ჩემთვის ცნობილი ხდება, რომ თითქოს დაჩისთვის გამოკვლევების ჩატარების მიზნით ოჯახზე მიდის ზეწოლა. მკვლელობაში ბრალდებულის ადვოკატი აქტიურობს თურმე.
მან რა ვერსიაც გაავრცელა თქვენთვის ცნობილია. რა გამოკვლევასაც ეშმაკურად, თითქოს "დაჩის სახელის შესანარჩუნებლად" სთავაზობს ოჯახს, ამასაც ადვილად მიხვდებით.
იმედს ვიტოვებ, რომ გამოძიებას ეყოფა გონება ჩემი პრევენციული განცხადების შემდეგ ამ სრულიად დამამცირებელი ნაბიჯის გადადგმა თავში არც კი გაივლოს...“, - წერს ირაკლი ვაჭარაძე.
შეგახსენებთ, რომ მკვლელობაში ბრალდებულის ადვოკატმა გაავრცელა ვერსია, რომლის მიხედვითაც დიჯეი თავდამსხმელს „არაკაცურად წაეპოტინა“, რის შემდეგაც ამ უკანასკნელმა დანა დაარტყა.