2014-08-25 13:32

,,ისე ბიძინა ივანიშვილმა რამდენი ქვითარი შეიძლება გამოფინოს?! უჩუმრად რომ აკეთებდა სიკეთეს მადლი არ ქონდა ქვითრების გარეშე?“- წერს პარლამენტის ადამიანის უფლებათა დაცვის კომიტეტის თავმჯდომარე ეკა ბესელია.

ბესელია ამ კომენტარით  ,,ice bucket challenge”-ის საყოველთაო აქციას ეხმაურება და აცხადებს, რომ წყლის გადასხმას არ აპირებს, თუმცა თანხას „სოლიდარობის ფონდში" და „wehepl"-შიც გადარიცხავს.

,,დღეს ჩამოვფრინდი საქართველოში, თითქმის 2 დღეა გზაში ვართ. სხვათაშორის სოლიდარობის კონფერენციაზე ვიყავით მე და ჩემი კოლეგები , რომელიც ადამიანის უფლებების დაცვას ეხება ჩრდ.კორეაში. მითხრეს რომ ჩიორამ გამომიწვია :–))) ამ აქციის წესებს გადავხედე, იდეა– ჩაერთო სოლიდარობის აქციაში და დაეხმარო .თანხით ადამიანებს, რომელთაც ჭირდებათ ამიოტროპიული ლატერალური სკლეროზის მკურნალობა–გამოკვლევა–კეთილშობილურია. მე ყველა ტიპის სოლიდარობის და ქველმოქმედების აქციას ვუერთდები როგორც წესი, რომლითაც ადამიანებისთვის სიკეთე შეიძლება ვაკეთოთ. რაც შეეხება ცივი წყლის გადასხმას, როგორც წავიკითხე, წყალს ისხამს ის, ვინც არ იხდის თანხას ან იხდის მხოლოდ 10 დოლარს. ამიტომ წყალს კი არ გადავისხამ, სოლიდარობის კამპანიაში ჩავერთვები და ,,wehelp’’ –ში და ამავე დროს პრემიერ მინისტრის ირაკლი ღარიბაშვილის ინიციატივით დაფუძნებულ სოლიდარობის ფონდშიც აქტიურად მივიღებ მონაწილეობას. ეს უფრო გასაგებია ჩემთვის და საერთოდ სიკეთის კეთებას ასეთი აფიშირება და ქვითრების დემონსტრირება არ უხდება...ისე ბიძინა ივანიშვილმა რამდენი ქვითარი შეიძლება გამოფინოს?! უჩუმრად რომ აკეთებდა სიკეთეს მადლი არ ქონდა ქვითრების გარეშე?
ვისაც შეგვიძლია და როგორც შეგვიძლია სოლიდარობის და სიკეთის აქციაში სულ უნდა ვიყოთ ჩართული.”- წერს ბესელია ,,ფეისბუქში“.