2015-02-24 13:20

მსახიობი ია სუხიტაშვილი „ფეისბუქის“ პირადი გვერდიდან ფილმ „მანდარინების“ შემოქმედებითი ჯგუფის მისამართით გამოთქმულ კრიტიკას ეხმაურება და სასამართლოში სარჩელის შეტანასაც გეგმავს.

მსახიობის სტატუსი და კომენტარები, რომლებიც ამ სტატუსის განხილვას მოჰყვა, "რეპორტიორმა" გააერთიანა:

„სრული სერიოზულობით ვამბობ - მოეშვით ისტორიების შეთხზვას.

ისე ნუ გაგვამწარებთ, რომ ზოგიერთ ქართულ საიტს ვუჩივლოთ!

დაუკრეფავში გადავიდნენ, ასე არ ხდება... ნაკაშიძეზე და მიშაზე ისეთებს წერენ, რომ გადაიფსეს თავზე.

ორი დღეა ლამის გული გამისკდეს, ისეთ საძაგლობას წერენ ჩვენზე.

თურმე - ქვეყნის რა ბრალია, უვარგისები ვყოფილვართ და ამიტომაა, ჩვენს ქვეყანას ასე ცუდად რომ მისდის საქმე...

ამდენი ბოროტი ადამიანი თუ ცხოვრობდა ჩემს ქვეყანაში, მაინც არ მჯეროდა ბოლომდე.

ვიჩივლებთ, რომ ჩამოვალთ და სახალხოდ ბოდიშსაც მოიხდიან", - წერს ია სუხიტაშვილი.