2015-02-20 14:23

მომღერალი ანრი ჯოხაძე „ფეისბუქის“ პირად გვერდზე მაია ასათიანთან ერთად გადაღებულ ფოტოს აქვეყნებს.

„მიყვარს ეს გოგო,“ - წერს ანრი ჯოხაძე.

საზოგადოების ცნობილი და პოპულარული ორი პირის ამ ფოტომ სოციალურ ქსელში უამრავი თბილი კომენტარი გამოიწვია.

„მეც მიყვარს მაია... მაიკო ყველას უყვარს... უთბილესი ადამიანია... სითბოთი და სიყვარულით აღსავსეა...,“ - წერდნენ სოციალური ქსელის მომხმარებლები.

თუმცა იყვნენ ისეთებიც, ვინც ანრი ჯოხაძის მიერ გამოქვეყნებულ ფოტოში ინტრიგა დაინახეს და საკუთარი მოსაზრება იქვე დააფიქსირეს:

„ოჰოჰოოო, მალე აიტაცებენ ინტერნეტ-საიტები ამ ფოტოს წარწერით: „რატომ აქვს მილულული თვალები მაია ასათიანს“, „სად უდევს ხელი ანრი ჯოხაძეს“, „ეს ყველაფერი პროფილიდან დაიწყო, თუ როგორ გაგრძელდა, გადადით ლინკზე და გაიგეთ..“.

P.S. ჰოდა, ჩვენც „ავიტაცეთ“, მაგრამ არა იმიტომ, რომ „მაიას თვალები მილულული აქვს“ ან „სად უდევს ხელი ანრი ჯოხაძეს“, არამედ იმიტომ, რომ უბრალოდ, ორი ცნობილი პიროვნების თბილი, კეთილი და საყვარელი ფოტოა.

სულ ეს არის და ეს.