დღეს 19 თებერვალს, ეროვნული ბანკის მონაცემებით, ლარის გაცვლითი კურსი ასე დაფიქსირდა: ერთი აშშ დოლარი 2.083 თეთრი ღირს.
თუმცა, „ფეისბუქ-მომხმარებლები“ წერენ, რომ დედაქალაქის ზოგიერთ გადამცვლელ ჯიხურში გაცვლითი კურსი 2.12 თეთრია ზოგან კი საერთოდ 2.19 თეთრი.
„მეანაბრეების ხმებით მოვიდნენ ესენი, რომ ეგონათ ბტნბძ დაუფარავდა სესხებს და მგონი ზუსტად ეგ ხალხი ჩამოაგდებს ამათ 2.19 გამხდარა დოლარი,“- წერს ნინია კაკაბაძე.
„2015 წელს, 1 იანვრიდან 19 თებერვლამდე:
ლარი დოლარის მიმართ გაუფასურდა 13%-ით,
რუბლი - 3.3%-ით,
უკრაინული გრივნა - 71%-ით,
სომხური დრამი - 0.9%-ით,
თურქული ლირა - 4.7%-ით,
ევრო - 4.8%-ით,
გირვანქა სტერლინგი - 1.6%-ით,
ჩინური იუანი - 0.8%-ით,
დოლარის მიმართ გამყარდა იაპუნური იენი 0.8%-ით და ინდური რუპია 1.6%-ით.
ასეთი ვითარებაა რეგიონში და მსოფლიოს წამყვან ეკონომიკებში. ლარის გაუფასურება დოლარის გლობალური გამყარების ბრალია.
ხალხი ჯობია დაიმალოს, არ გამოჩნდნენ ცოტა ხანს. ასე ღუპავს მთავრობას გამპრავებლები და არაკომპეტენტური მთავრობის წევრები, მათი მრჩევლები“,- ასკვნის ჟურნალისტი ბესო ნამჩევაძე.
„უკვე სერიოზული პრობლემები მაქვს, როგორც კრედიტის მქონეს და ზოგადად ამ ქვეყანაში მაცხოვრებელს.
საქართველოს მთავრობა | Government of Georgia!!! ასე თუ გაგრძელდა, წკეპლებით გაგყრიან და თან ისე, რომ ჩვენ არაფერ შუაში ვიქნებით,“- დასძენს გოგა ხაჩიძე.
