2015-01-25 03:35

სოციალურ ქსელ „ფეისბუქში“ და არამარტო „ფეისბუქში“, ისევ აქტუალურია იური ვაზაგაშვილის მკვლელობის თემა. ერთერთი იუზერი დავით ნებიერიძე საინტერესო ვერსიას გამოთქვამს:

„ვაზაგაშვილის მკვლელობის პირველი დღიდანვე მკაფიო აზრი ჩამომიყალიბდა: აბსოლუტურად არ მგონია, ეს მკვლელობა მის შვილთან დაკავშირებული საქმის გაგრძელება იყოს!  -

კაცს რომელმაც უკვე ყველაფერი თქვა, არ კლავენ.

ხოლო ადვოკატების მიერ გაცხადებული ვერსია ახალი მოწმის შესახებ ალოგიკურია! რამე, თუ მაშინ იმ მოწმეს მოკლავდნენ და არა ვაზაგაშვილს! პირველ რიგში ვიტყვი, რომ ჩადენილი მკვლელობა, თავისი ხელწერით და შესრულების დეტალებით წმინდა წყლის რუსული გრუ–ს სტილია!

მათი ხელწერა დაკვირვებულ ადამიანს და მითუმეტეს ქართულ სპეც სამსახურებს არაფერში აერევათ! ხოლო, მკვლელობის შემდეგ განვითარებული მოვლენები მოტივაციასაც ნათელს ჰფენს!

საქართველოში პოლიტიკური პროცესების რუსული სცენარით განვითარებისთვის მათმა სპეცსამსახურებმა ჩინებულად შეარჩიეს საზოგადოებრივ–პოლიტიკურად ანგაჟირებული პიროვნება, რომლის მკვლელობით რამდენიმე ამოცანას გადაჭრიდნენ:

პირველ რიგში, საბოლოოდ დაუსმევდნენ წერტილს ამჟამინდელი მთავრობის უსუსურობის დეკლარირებას;

კიდევ ერთხელ შეეცდებოდნენ ნაციონალების ტალახში ამოსვლას და ყოველივე ამ მიზნების მიღწევით პოლიტიკურ ასპარეზს გაუსუფთავებდნენ და ახალ მუხტს შესძენდნენ პრორუსულ პოლიტიკურ ძალებს. თუ მეტისმეტად არ დავიბრმავებთ თვალებს, მოვლენები ზუსტად ასე განვითარდა:

ყველაზე მეტი დივიდენდები ამ მკვლელობით მიიღო პატრიოტთა ალიანსმა და ძმანმა მათმა, რომლებიც მაქსიმალურად განავითარებენ ამ მიმართულებას და საზოგადოებრივი დაძაბულობის მაქსიმალურად გამოყენებას შეეცდებიან! მათ შეუერთდებიან ყველა ის ძალები, ვინც სამშობლომ დაწყევლა და მოხდება ყველა ამ პრორუსული ძალების კონსოლიდაცია, ახალი არჩევნებისათვის...

ამაზე კარგი ფონი სტარტ აპ-ისთვის მათთვის წარმოუდგენელია! აი ასე ვხედავ მე შექმნილ სიტუაციას! შეიძლება რიგითი მოქალაქის აზროვნების ლოგიკიდან გამომდინარე, ეს ჩემი ვერსია "შეთქმულების თეორიად" მოგეჩვენოთ, მაგრამ გაითვალისწინეთ ის ფაქტორი, რომ ზუსტად ამგვარი და ასეთი ხელწერის საქმეები იგეგმება რუსულ სპეცსამსახურებში!

ასეთია მათი გაუკუღმართებული და მხეცური აზროვნება და მენტალიტეტი – მხეცური, ცინიკური, მარტივი და არაადამიანური!", - წერს დავით ნებიერიძე.