საქართველოს ექსპრეზიდენტი მიხეილ სააკაშვილი სოციალურ ქსელში წერს, რომ არიზონაში, გრანდ კანიონის მოსანახულებლად უმცროს ვაჟთან, ნიკოლოზთან ერთად ჩავიდა.
„მინდა გითხრათ, რომ ხვამლის მთა, რომელიც ჯერ კიდევ ჟიულ ვერნს აქვს აღწერილი, უფრო ლამაზია.
ამ მთასთან უნდა გასულიყო სვანეთთან დამაკავშირებელი გვირაბი და შემდეგ ეს გვირაბი გადავიდა თეთნულდის ახალ სათხილამურო კურორტზე.
ივანიშვილმა შეაჩერა გვირაბის დაპროექტება, თეთნულდის გაჩერებაც მოთხოვა ფრანგებს, მაგრამ ვინაიდან ჩემს მთავრობას უკვე შეღავათიანი კრედიტით საბაგიროები ჰქონდა შეკვეთილი, აღარ გამოუვიდათ კურორტის მშენებლობის შეჩერება, თუმცა ტემპი მკვეთრად შეანელეს.
შემდეგმა ნორმალურმა მთავრობამ, აუცილებლად უნდა დაამთავროს სვანეთთან დამაკავშირებელი გვირაბის მშენებლობა, რომელიც ქუთაისიდან მესტიაში 2 საათზე ნაკლებში მიგვიყვანს და ამას დაემატება ხვამლის კანიონის მსოფლიო ტურისტულ მარშრუტებზე მოხვედრა,“ - წერს მიხეილ სააკაშვილი.
