2015-01-06 16:11

მაია და რუსუდან რჩეულიშვილებს მძიმე ავადმყოფობის შემდეგ, 85 წლის ასაკში, დედა გარდაეცვალათ.

როგორც ვახტანგ რჩეულიშვილი „ფეისბუქის“ პირად გვერდზე წერს, გასვენების წინ მაიას თხოვნით ნიკა მემანიშვილმა დაუკრა.

„გმადლობთ მაესტრო!

ქართველებმა (და არა მარტო) დავყავით ჩვენი საზოგადოება გოიმებად და სვეტსკებად.

ერთ-ერთი (და არა ერთადერთი) არგუმენტიდან - ვინ ვინ არის, მე დიდი ხანია შერჩეული მაქვს მაიასდმი დამოკიდებულება - ჩემთვის ყველა გოიმია, ვისაც მაიასი არ ესმის.

მაიამ დედა გაასვენა (ისევე როგორც ადრე მამაჩემი) ისე, რომ ლამისაა შემშურდა (თუმცა სულაც არ მეჩქარება და მზად ვარ ვითმინო კიდევ ბევრი წელი!).

მაიას თხოვნით ბოლო აკორდი ლამარას სახლიდან გამოსვენებაზე შეასრულა ჩვენმა მეგობარმა ნიკა მემანიშვილმა - ნიკოლოზ რაჭველმა (ასეთ სიყვარულს ფულით ვერ იყიდი!)”, - წერს ვახტანგ რჩეულიშვილი.