გავრცელებულ ინფორმაციას, თითქოს თავდაცვის სამინისტროში დარჩენილი ალასანიას თანამოაზრეები საბოტაჟს აწყობენ, ნათია ფანჯიკიძე სოციალურ ქსელში გამოეხმაურა.
მისი თქმით, ალექსანდრე გრიგოლაშვილის დაღუპვის თაობაზე თავდაცვის უწყებას განცხადება ორი დღის მანძილზე ოფიციალურ გვერდზე ედო.
„არ ვიცი, ვისი შეკვეთილი და გავრცელებულია ეს. ნუთუ მთავრობის?
ასე უხერხულ დღეში აგდებენ მინისტრს, რომ ის არაფერს წარმოადგენს და მე "მიჭირავს" ჯარი და საერთოდაც ფერადი კარდინალი ვარ? და ირიბად თავისებურად ზრდიან ჩემს მნიშვნელოვნებას? მიზანი?
მათაც ნაციონალებივით დაიწყეს ხალხის საბოლოოდ სულელად მოაზრება და მსგავს აბსურდის ენაზე ლაპარაკი?
ან, მითიური ნათესავის თავნება წერილი ორი დღე ამაყად ედოთ ოფიციალურ გვერდზე და თანაც მერყეობების მერე დასკვნის სახით გამოაცხადეს, რომ სრულ თანხმობაში არიან ამ განცხადებასთან (?!).
ბოლო აბზაცი ფსიქოანალიზის ენაზე მთლად არაცნობიერიდან ამომხტარ შიშს გავს, რაზეც მინდოდა მეცინა და მეპასუხა - „ბატონებო, რომლებიც ხართ ფრონტის მოპირდაპირე ხაზზე, სრული პასუხისმგებლობით ვაცხადებ, თქვენი ფაღარათი ჩემი ბრალია არაა!“- წერს ნათია ფანჯიკიძე.
ცნობისთვის: ვრცელდება ინფორმაცია, რომ თავდაცვის სამინისტროს შეფასება ალეკო გრიგოლაშვილის დაღუპვის თაობაზე, ალასანიასთან დაახლოებილმა პირებმა გამოიტანეს საზოგადოების სამსჯავროზე.
