2014-12-24 11:57

ჟურნალისტი ორი დღის წინ სოციალურ ქსელში წერდა, რომ მობილურზე ცრუ ინფორმაცია მიაწოდეს მისი შვილის  მძიმე მდგომარეობაში ყოფნის შესახებ.

ლალი მოროშკინა იქვე მობილურის ნომერსაც უთითებდა.

ამჯერად ჟურნალისტი მორიგ პოსტს ავრცელებს, რომლის თანახმადაც, ცრუ ზარის ავტორის ვინაობა და  სიმართლე გაირკვა.

„ამ წუთას დამირეკა ბოდიშებით იმ ყმაწვილმა, ვინც 2 დღის წინ ბოროტად იხუმრა ტელეფონზე, ჩემი შვილის ჯანმრთელობასთან დაკავშირებით. დარეკა მამამისმაც და მანაც მომიბოდიშა.

ჩემი „ტერორისტი“ 13 წლის აღმოჩნდა და ასე „იხუმრა“ მეგობრებთან ერთად.

დიდი მადლობა მამამისს, ბატონ გიორგის და თავადაც ყმაწვილს.

მე კი ძალიან მანერვიულა, მაგრამ მობოდიშება მხოლოდ ვაჟკაცებს შეუძლიათ!

მე ვაპატიე...

პოლიციას ვთხოვ, ჩემი განცხადება „ჩამოწეროს“, - წერს მოროშკინა.