2014-12-21 18:53

ქართველი მსახიობი ნიკა თავაძე „ფეისბუქის“ პირად გვერდზე წერს, რომ  ჩინეთის ერთ-ერთ მაღაზიაში ჩანთა და საბუთები მოპარეს.

 უსახსროდ და უსაბუთოდ დარჩენილმა მსახიობმა ჯერ ჩინეთის პოლიციას, შემდეგ კი საქართველოს საკონსულოს მიმართა.

„ჩინეთის პოლიციაში თუ მოვხვდებოდი, ნამდვილად არ მეგონა..) ჩანთა ყველა საბუთით ამიორთქლეს მაღაზიიდან..)

ხვალ წესით მოვფრინავდი და ნახევარი დღე პოლიციაში გავატარე..) ენა, ჩინურის გარდა თითქმის არავინ იცის.

ჩვენი საკონსულო, მაგათ ვენაცვალე, საყვარლები..))

პირველი რასაც გეუბნება ამ დროს: 35$ -იან ქვითარს სანამ არ მოგვიტანთ, ვერ დაგეხმარებითო და რომ ვუხსნი, ყველაფერი მომპარეს მეთქი, მიბრძანდით რუსთაველისნაირ ქუჩაზე რომ ჩინეთის ნაციონალური ბანკია და იქ აიღეთ ქვითარიო...პასპორტს ისე ვერ გავცემთო, კანონში ასე სწერია და  რა ვქნათო...

რომელია პეკინში რუსთაველისნაირი ქუჩა მე არ ვიცი..))) მაგრამ ალბათ იმან იცის, კაცი კონსულია და... თან ტონი აქვს ისეთი, შეგიყვარდება).

მოკლედ ისევ ჩინეთის პოლიციამ ივარგა და ჩანთა პასპორტით იპოვეს.

ასე რომ, მადლობა ჩინეთის პოლიციას.. ქართული საკონსულოს დედებს კი დიდი მოკითხვა", - წერს ნიკა თავაძე.