2014-12-19 21:59

გაეროში საქართველოს ყოფილმა წარმომადგენელმა კახა ლომაიამ „ფეისბუქის“ პირად გვერდზე გაზეთ „ნიუ-იორკ თაიმსის“ ფოტო გამოაქვეყნა, რომელშიც „ქართულმა ოცნებამ“  რვაგვერდიანი სარეკლამო ჩანართი ჩადო, სადაც პარტიის მიღწევებზეა საუბარი.

ჩანართში აღნიშნულია, რომ 2012 წლის საპარლამენტო არჩევნების მოგების შემდეგ, „ქართულმა ოცნებამ“ პენსიები 50%-ით გაზარდა.

„ნიუ-იორკ ტაიმსის“ მკითხველებს დღეს სიურპრიზი ელოდათ - 8 გვერდიანი სარეკლამო დანართი სათაურით „ქართული ოცნების მმართველი პარტია ეროვნულ ხედვას რეალობად აქცევს“.

„დანართი მომზადებულია სარეკლამო სააგენტო „ჰედკოკ ენდ ასოსიეთსის" მიერ და მის მომზადებაში „ნიუ-იორკ ტაიმსის“ თანამშრომლები არ მონაწილეობდნენ“, - გვაფრთხილებს გაზეთი.

ამ ტიპის დანართების ეფექტურობა, გემოვნება და მათში გადახდილი ფასი, ცალკე საუბრის თემაა. ერთი თვალის გადავლებით, შემდეგ პასაჟს გადავაწყდი;

„2012 წლის საპარლამენტო არჩევნების მოგების შემდეგ, „ქართულმა ოცნებამ პენსიები 50%-ით გაზარდა...“ - წერს კახა ლომაია.