10 წლის ლვოველმა ბიჭუნამ ტარას კროტკომ უკრაინის არმიას ახლობლების მიერ დაბადების დღეზე მისთვის ნაჩუქარი 1.300 გრივნა შესწირა. თანხა ბიჭს პლანშეტის საყიდლად ჰქონდა გადადებული, თუმცა, არმიის შესაწირად ადგილობრივ რადიოსადგურში მიიტანა.
"ძალიან დავიბენით, ის მოვიდა და გვითხრა, რომ პლანშეტის გარეშე ცხოვრება შეიძლება, ჯარისკაცები კი ჯავშანჟილეტის გარეშე დაიღუპებიან. თქვა, თუ ჯარისკაცები არ იქნებიან, არც არმია იქნება, ხოლო თუ არმია არ იქნება, უკრაინაც აღარ იქნება და თუ ჩემი ქვეყანა არ იქნება, მე პლანშეტი რად მინდაო...", - იხსენებს რადიოწამყვანი ბიჭუნას ვიზიტს.