2014-08-20 10:59

საქართველოში წინა ხელისუფლების დროს აკრძალული რუსული ტელეარხების ტრანსლაცია დღეისთვის უკვე აღდგენილია, უკრაინის ხელისუფლებამ კი საგანგებო ბრძანება გამოსცა და რუსული ტელეარხების ტრანსლირება აკრძალა.

უკრაინის შინაგან საქმეთა მინისტრმა არსენ ავაკოვმა აკრძალვის შესახებ ბრძანება №840-ს ხელი უკვე მოაწერა. აკრძალვის მიზეზი არის ის ძალადობისა და ომის პროპაგანდა, რასაც აღნიშნული რუსული ტელეარხები ავრცელებენ.

კანონის აღსრულება შინაგან საქმეთა სამინისტრომ ნაციონალურ ტელერადიო საბჭოსთან ერთად უნდა განახორციელოს.

საკაბელო ოპერატორები, რომლებიც არ დაემორჩილებიან ამ გადაწყვეტილებას მოქმედი კანონის შესაბამისად პასუხისგებაში იქნებიან მიცემული.

აკრძალვა შეეხო შემდეგ რუსულ ტელეარხებს:

1. Первый канал.

2. РТР-Планета

3. Россия 24

4. НТВ-Мир

5. ТVCI (ТВ Центр)

6. Россия 1

7. НТВ

8. ТНТ

9. Петербург 5

10. Звезда

11. РЕН-ТВ

12. Life News

13. Russia Today

14. РБК-ТВ

"თავისუფალი ზონა", კობა ხაბაზი