-
2014-07-18 00:42
ისრაელის თავდაცვის არმიის მიერ გავრცელებული განცხადების მიხედვით "ჰამასის" წინააღმდეგ ისრაელმა ღაზის სექტორში სახმელეთო ოპერაცია დაიწყო.
განცხადებაში ნათქვამია:
"გასული 10 დღის განმავლობაში ჰამასის შეტევების გამო მიწაზე, ჰაერსა თუ ზღვაში და სიტუაციის დეესკალაციის შეთავაზების უარყოფის გამო, ისრაელის თავდაცვის ძალებმა გადაწყვიტა, დაიწყოს სახმელეთო ოპერაცია ღაზის სექტორში. ისრაელის მოქალაქეებმა უნდა იცხოვრონ უსაფრთხოდ და დაცულად, განუწყვეტელი ტერორის გარეშე".
შეგახსენებთ, რომ დღეს ისრაელი და პალესტინური დაჯგუფება ჰამასი 5 საათით ცეცხლის შეწყვეტაზე შეთანხმდნენ, რათა ამ ხნის განმავლობაში მშვიდობიან მოქალაქეებს ღაზის სექტორში საკვებისა და სხვა საჭირო ნივთების მომარაგება შეძლებოდათ. თუმცა, "ჰუმანიტარული ცეცხლის შეწყვეტის" პერიოდში ჰამასმა ისრაელის მიმართულებით ნაღმტყორცნიდან ცეცხლი რამდენჯერმე მაინც გახსნა.