2014-07-17 19:41

რუსული და უცხოური მედიის ცნობით, დონეცკთან ხლოს, რუსეთ-უკრაინის საზღვართან მალაიზიის ავიაკომპანიის კუთვნილი სამგზავრო Boeing 777 ჩამოვარდა, რომლის ბორტზეც 180 მგზავრი და ეკიპაჟის 15 წევრი იმყოფებოდნენ.

წინასწარი ინფორმაციით, თვითმფრინავი უკრაინაში მოქმედმა ტერორისტებმა ჩამოაგდეს, თუმცა, ამ ფაქტის ოფიციალური დადასტურება ჯერ არ არსებობს.

თვითმფრინავთან კავშირი მოსკოვის დროით 17:00 გაწყდა, ხოლო დონეცკთან ხლოს, რუსეთის საჰაერო სივრცეში შესვლამდე თვითმფრინავმა მოულოდნელად სიმაღლის დაკარგვა დაიწყო, ხოლო შემდეგ უკრაინის ტერიტორიაზე ჩამოვარდა და აფეთქდა. თვითმფრინავი ამსტერდამი-კუალა-ლუმპურის რეისს ასრულებდა.

დამატებითი ინფორმაცია ამ დროისთვის არ გავრცელებულა.