-
2014-06-30 22:34
იმის გამო, რომ ტერორისტებმა უარი თქვეს უკრაინის ხელისუფლების სამშვიდობო გეგმაზე და ცეცხლი არ შეწყვიტეს, უკრაინა გადადის ანტიტერორისტული სპეცოპერაციის გეგმა B-ზე, - ამის შესახებ პეტრე პოროშენკომ განაცხადა.
ამასთან, უკრაინის პრეზიდენტი აღნიშნავს, რომ რადგან ცეცხლის ცალმხრივად შეწყვეტამ და მორატორიუმმა შედეგი არ გამოიღო, უკრაინის ხელისუფლება სამხედრო მდგომარეობას გამოაცხადებს დონეცკისა და ლუგანსკის ოლქებში და დაიწყებს აქტიურ ანტიტერორისტულ მოქმედებებს.
პოროშენკოს განცხადებით, ეს იქნება „ახალი ტიპის ომი“, როცა სპეცოპერაციის მონაწილე სამთავრობო ძალები არ ჩაატარებენ მასობრივ საბრძოლო მოქმედებებს, მაგრამ „ტერორისტები მიიღებენ მასობრივ დანაკარგს“.
სპეცოპერაციის ახალ ფაზაზე გადასვლის შესახებ უკრაინის პრეზიდენტი ოფიციალურად დღეს საღამოს გამოაცხადებს, მას შემდეგ, რაც უსაფრთხოების საბჭოს სხდომა დასრულდება. სხდომაზე სპეცოპერაციის ახალი ფაზის დეტალებს განიხილავენ.