2014-05-27 22:23

ამ დროისთვის სოხუმში პრეზიდენტის ადმინისტრაციის შტურმზე დროებით ხელი აიღეს. ცნობილი გახდა, რომ ოპოზიციის წარმომადგენლებსა და დე ფაქტო ხელისუფლებას შორის მოლაპარაკება დასრულდა, თუმცა, ანქვაბის მიერ წამოყენებული პირობებით ოპოზიცია მაინც უკმაყოფილოა.

ოპოზიციის წევრთა განცხადებით, ალექსანდრე ანქვაბი მთავრობის გადაყენებას დათანხმდა, თუმცა, თავად უარს აცხადებს გადადგომაზე. 

"არ ვიცი ამას როგორ დავთანხმდებით, რადგან ჩვენი უპირველესი მოთხოვნა სწორედ პრეზიდენტის გადადგომა იყო. ანქვაბი როგორც ყოველთვის, ამჯერადაც სირაქლემას პოზიციაშია და ისევ მტავრობას სწორავს. ხალხი ისევ გამოვა ქუჩაში და ეს ამით არ დამთავრდება” -აცხადებს დე-ფაქტო რესპუბლიკის ოპოზიციური პარტიის ლიდერი რაულ ხაჯიმბა.