2014-05-17 01:33

ამ დრომდე უკრაინის ქალაქ სლავიანსკში გრძელდება სასტიკი შეტაკებები ტერორისტებსა და უკრაინის ეროვნულ გვარდიას შორის. ქალაქში ისმის აფეთქებების ხმა, მის თავზე მანათობელი რაკეტები სკდება, ცაში ავიაგამანდგურებლები დაფრინავენ.

როგორც უკრაინული მედია თვითმხილველებზე დაყრდნობით იუწყება, ტერორისტები გააფთრებულ წინააღმდეგობას უწევენ სამთავრობო ძალებს, მათ ცეცხლი გაუხსნეს გვარდიის ბლოკპოსტებს. განსაკუთრებით დაძაბული სიტუაციაა ქალაქის ჩრდილოეთით, ქარხანა "ზევს-კერამიკის" მიმდებარე ტერიტორიაზე.