2014-05-12 11:38

თბილისში და საქართველოს სხვადასხვა ქალაქში საწვავი ისევ გაძვირდა. დღეს დილიდან ზოგიერთი კომპანიის ბენზინგასამართ სადგურებზე „პრემიუმის“ ხარისხის 1 ლიტრი ბენზინის ფასად 2.32 ლარია მითითებული.

საწვავის ეს ფასია მითითებული, მაგალითად, თბილისში, კომპანია „გალფის“ ბენზინგასამართ სადგურებზე. შეგახსენებთ, რომ საწავავის გაძვირებას ეკონომიკის ექსპერტები მაისის ბოლოს ვარაუდობდნენ.

შედარებისთვის: 11 მაისს „ვისოლის“ ბენზინგასამართ სადგურზე „პრემიუმის“ ხარისხის 1 ლიტრი ბენზინი 2.27 ლარი ღირდა.