2013-11-02 03:41

ახლადარჩეულმა საქართველოს პრეზიდენტმა, გიორგი მარგველაშვილმა, ქონებრივი დეკლარაცია 2013 წლის 6 აგვისტოს შეავსო.

შევსებული დეკლარაციის მიხედვით, იგი 3 მიწის ნაკვეთის, საცხოვრებელი სახლის და ბინის მფლობელია.

ქონებრივი დეკლარაცია, რომელიც მარგველაშვილმა შეავსო და გაასაჯაროვა ასე გამოიყურება: უძრავი ქონება, რომელსაც გიორგი მარგველაშვილი ფლობს შემდეგნაირად გამოიყურება: მის საკუთრებაშია 120 კვ.მ ფართობის ბინა თბილისში, სამი მიწის ნაკვეთი ქალაქ დუშეთში. ერთის ფართობია – 946 კვ.მ, მეორე მიწის ნაკვეთის – 1200 კვ.მ, მესამე მიწის ნაკვეთის კი – 775 კვ.მ.

გარდა ამისა იგი ფლობს საცხოვრებელ სახლს ქალაქ დუშეთში, რომლის ფართობიც 200 კვ.მ. რაც მარგველაშვილის ოჯახის წევრთა მფლობელობაში არსებულ უძრავ ქონებას - მამა თეიმურაზ მარგველაშვილი ქალაქ თბილისში 165 კვ. მ. ფართობის ბინის მფლობელია.

ფასიანი ქაღალდები და მოძრავი ქონება: დეკლარაციის მიხედვით გიორგი მარგველაშვილი და არც მისი ოჯახის წევრები ფასიან ქაღალდებს არ ფლობენ. ისინი ასევე არ ფლობენ ავტომობილს. საბანკო ანგარიშები: გიორგი მარგველაშვილს თი ბი სი ბანკის სახელფასო ანგარიშზე _ 1 464 ლარი, ქართუ ბანკის სახელფასო ანგარიშზე კი _ 13 640 ლარი ერიცხება, თი ბი სი ბანკში საპრეზიდენტო კანდიდატს 6 392-ლარიანი ანაბარი აქვს გახსნილი.

საზოგადოებრივ საქმეთა ინსტიტუტის რექტორის თანამდებობაზე, გიორგი მარგველაშვილის შემოსავალი 51 517 ლარი იყო შემოსავლები: გიორგი მარგველაშვილმა საზოგადოებრივ საქმეთა ინსტიტუტში რექტორის და ლექტორის თანამდებობაზე ჯამში, ხელფასის სახით 57 347 ლარი ანაზღაურება მიიღო.

დედამ, მზეონა გომელაურმა კი სამხატვრო აკადემიაში ლექტორის პოზიციაზე ხელფასის სახით 1931 ლარის ოდენობით ანაზღაურება მიიღო. სხვა შემოსავლები: პენსიის სახით მზეანა გომელაურმა და თეიმურაზ მარგველაშვილმა 1440– 1440 ლარი მიიღეს.

დეკლარაციაში აღნიშნულია, რომ 2007 წელს მიუნხენის საუნივერსიტეტო კლინიკა "გროშჰადენში" გიორგი მარგველაშვილის სახელზე ჩაირიცხა 20 000 ევრო და აღნიშნული თანხიდან დარჩენილია 7500 ევრო.