კოალიცია "ქართულ ოცნებაში" ტყვიავში მომხდარ ინციდენტს ადასტურებენ.
"ქართული ოცნების" მაჟორიტარი დეპუტატის სოსო ვახტანგაშვილის განცხადებით, მოკლვევა აღნიშნულთან დაკავშირებით უკვე დაწყებულია.
"მე გარკვეული ინფორმაცია მაქვს , რომ რაღაც ინციდენტი მოხდა ტყვიავში, სადაც ოქრუაშვილის სახელი და გვარი ფიგურირებს, თუმცა ჯერ-ჯერობით საკითხი მოკვლევის სტადიაშია და შესაბამისი სტრუქტურები სწავლობენ. თქვენი ინტერესთა სფეროს დაკმაყოფილების პროცესი აუცილებლად მოხდება, რადგანაც ეს რეზონანული საკითხია , ამიტომაც ამაზე ვისაუბრებთ მაშინ როდესაც უფრო მეტი ინფორმაცია გვექნება. მე არავის უდანაშაულობის პრეზლუმფციას არ დავარღვევ და ამაზე მეტს ვერაფერს ვერ გეტყვით. შემიძლია დაგიდასტუროთ რომ რაღაც გარკვეულ ინციდენტს ადგილი ჰქონდა", - აცხადებს ვახტანგაშვილი ,,პრაიმტაიმნიუსთან“ საუბრისას.
გავრცელებული ინფორმაციით, ირაკლი ოქრუაშვილი რამდენიმე დღის წინ კოალიცია „ქართული ოცნების“ მხარდამჭერებს თავს იარაღით დაესხა.
ინფორმაცია დღეს სააგენტო ,,ნიუპოსტმა“ გაავრცელა. სააგენტოს ინფორმაციით ოქრუაშვილმა ,,ქართული ოცნების" წევრების მიმარტულებით ჯერ ისროლა და შემდეგ კი ისინი კონდახით სცემა.