მყინვარ დევდორაკზე კვლავ არსებობს სტიქიური პროცესების გააქტიურების რისკი, – ამის შესახებ გარემოს დაცვის სამინისტროს მიერ გავრცელებულ განცხადებაშია ნათქვამი.
სპეციალურმა მონიტორინგის ჯგუფმა დევდორაკის ვიზუალური დათვალიერებისას აღმოაცინა, რომ მყინვარზე კვლავ არსებობს სტიქიური პროცესების გააქტიურების რისკი. ამიტომ დარიალის ხეობაში 24 საათიანი მონიტორინგი დაიწყება.
მდინარე დევდორაკსა და ამალთეას შესართავთან დამონტაჟდება ავტომატური მეტეოროლოგიური სადგური, რომელიც ავტომატურ რეჟიმში გაზომავს: ნალექის რაოდენობას, ტემპერატურას, ატმოსფერულ წნევას და გარემოს ეროვნული სააგენტოს ცენტრალურ ოფისს ინფორმაციას ონლაინ რეჟიმში მიაწვდის.
ამ დროისათვის დარიალის ხეობაში გაწმენდითი სამუშაოები მიმდინარეობს. ბოლო ინფორმაციით საავტომობილო გზა, რომელიც მდინარემ დატბორა ორ კვირაში აღდგება.
მოსახლეობის ევაკუირება სტიქიის ზონიდან გუშინვე დაიწყო. გუშინ მომხდარი სტიქიური უბედურებისას ორი ადამიანია დაკარგული, რომელთაგან ერთი, სავარაუდოდ, გუშინვე თერგმა ვლადიკავკაზის მხარეს გამორიყა.
