2020-03-25 13:05

მკურნალობა მივანდოთ მათ, ვისაც ეს ეხება, - ამის შესახებ პაატა იმნაძემ საკოორდინაციო საბჭოს სხდომის შემდეგ ბრიფინგზე განაცხადა. მისი თქმით, მედიასაშალებებში კონკრეტული მედიკამენტის დასახელება ხშირად აჟიოტაჟს იწვევს, რამაც შეიძლება საბოლოო ჯამში ადამიანების ჯანმრთელობას ზიანი მიაყენოს.

„დასახელება მედიკამენტის მედიაში იწვევს იმას, ანტიმალარიული საშუალების დასახელებას რაც მოჰყვა. ატყდა აჟიოტაჟი და დაიტაცეს მაღაზიებიდან მედიკამენტი, რომელმაც შეიძლება უარყოფითი გავლენა მოახდინოს ადამიანის იმუნურ სისტემაზე, თუ არ იცის როდის არის მისი გამოყენება საჭირო. ამიტომ მოდით მივანდოთ ეს საქმე პროფესიონალების გუნდს, რომელსაც ბატონი თენგიზ ცერცვაძე ხელმძღვანელობს და რომელის ადგენს ამ პროტოკოლებს. მივანდოთ საქმე თავის მცოდნე ადამიანებს. მათ გადაწყვიტონ მედიკამენტების საკითხები“, - აღნიშნა იმნაძემ.

21 მარტს საქართველოში საგანგებო მდგომარეობა ამოქმედდა.