2020-03-25 12:53

მარნეულისა და ბოლნისის მუნიციპალიტეტში მშვიდი მდგომარეობაა. ამის შესახებ საკოორდინაციო საბჭოს სხდომის დასრულების შემდეგ პრემიერ-მინისტრის პრესს-სპირკერმა ირაკლი ჩიქოვანმა განაცხადა. მისი თქმით, მოსახლეობა შექმნილ ვითარებას გაგებით ეკიდება, რისთვისაც მოქალაქეებს მადლობა გადაუხადა.

„თავიდან იყო გარკვეული სირთულეები მოსახლეობის ინფორმირებულობასთან დაკავშირებით. თუმცა, მინდა გითხრათ, რომ ეს ყველაფერი დღეს არის აღმოფხვრილი. ძალიან ეფექტიანად იმუშავეს როგორც სამართალდამცველებმა, ასევე სამხედროებმა. სრულად არის უზრუნველყოფილი იზოლაცია და ასევე საზოგადოება არის სრულად ინფორმირებული. მინდა გითხრათ, რომ სიტუაცია ამ ორივე რაიონში არის მშვიდი. ჩვენი თანამოქალაქეები ძალიან მშვიდად ეპყრობიან იმ ვითარებას, რაც დღეს მარნეულსა და ბოლნისში არის და აქვე მინდა მთავრობის სახელით მათ გადავუხადო მადლობა, ვინაიდან ეს ზომები არის აუცილებელი თითოეული მათგანისთვის და მთლიანად საქართველოს მოსახლეობისთვის“, - განაცხადა ჩიქოვანმა.

21 მარტს საქართველოში საგანგებო მდგომარეობა ამოქმედდა