2017-04-09 14:51

საქართველოს კათოლიკოს-პატრიარქმა სამების საკათედრო ტაძარში წირვის დასრულების შემდეგ განაცხადა, რომ 1989 წლის 9 აპრილს აქციის მონაწილეებისთვის დაშლა არ ურჩევია. 

"მე 9 აპრილს აქციის მონაწილეებისთვის დაშლისკენ არ მომიწოდებია - მე ვხედავდი საშიშროებას და ქაშუეთის წმინდა გიორგის ეკლესიაში შესვლისკენ მოვუწოდე", - თქვა უწმინდესმა და უნეტარესმა, როცა 9 აპრილს დაღუპულები გაიხსენა. 

"დღეს არის 9 აპრილი, მწუხარების დღე. ამავე დროს სიხარულის დღეც არის. ჩვენმა ახალგაზრდებმა დიდი გმირობა გამოიჩინეს. დღეს რადიოთი მოვისმინე, რომ საქართველოს პატრიარქმა დაშლისკენ მოუწოდაო. მე დაშლისკენ არ მომიწოდებია.

მე ვხედავდი ამ საშიშროებას და მოვუწოდე, რომ ქაშუეთის წმინდა გიორგის ეკლესიაში შესულიყვნენ. ღმერთმა ნათელში ამყოფოს ისინი, ვინც ამ მოვლენას შეეწირნენ”, - განაცხადა ილია მეორემ.