-
2017-04-02 13:41
რუსთავიდან ვარკეთილის მიმართულებით მოძრავი მიკროავტობუსის მძღოლები გაიფიცნენ. ისინი დამქირავებელი კომპანიის, "ინტერტრანსის" მიერ მძღოლების სამსახურიდან უკანონოდ გათავისუფლებას და დღიური მოსაკრებლის 10 ლარით გაზრდას აპროტესტებენ.
რუსთავში, მეგობრობის ქუჩაზე მძღოლების აქცია მიმდინარეობს. როგორც აქციის მონაწილეები განმარტავენ, მათი შემოსავლები გაზრდილი მოსაკრებლის გადახდის საშუალებას არ იძლევა. ახალი რეგულაციებით მათ დღეში 70 ლარის ნაცვლად 80 ლარის გადახდა ევალებოდათ.
აქციის მონაწილეები "ინტერტრანსის" ადმინისტრაციასთან შეხვედრას მოითხოვენ.
კომპანია „ინტერტრანსში“ კი განმარტავენ, რომ ტარიფი არ გაზრდილა და მძღოლები ძველ ტარიფს დაუბრუნდნენ. კომპანიის წარმომადგენელთა თქმით, ოთხი თვის განმავლობაში მგზავრთა ნაკადის სიმცირის გამო მძღოლები შემცირებულ ტარიფს იხდიდნენ 70 ლარს, 80-ის ნაცვლად.
ხვალიდან კომპანია მზადაა მიკროავტობუსების მძღოლებთან მოლაპარაკებები დაიწყოს, თუმცა, ვერ აკონკრეტებენ, მოხდება თუ არა ტარიფის 70 ლარამდე შემცირება.
თემასთან დაკავშირებული მასალები:
-
2017-02-21 16:41
-
2016-12-13 21:39
-
2016-11-17 14:21
-
2016-05-07 12:30