9 აპრილს სანკტ-პეტერბურგში დაგეგმილი "მგზავრების" კონცერტი ისევ აქტუალურია. კონცერტი რუსეთის "მეორე დედაქალაქში" 19:00-ზე უნდა დაწყებულიყო, თუმცა, სოციალურ ქსელებში მომხმარებლები უკმაყოფილებას გამოთქვამდნენ იმის გამო, რომ ბილეთზე მითითებულ დროს ის არ დაწყებულა.
კონცერტზე დასასწრები ყველა ბილეთი მის დაწყებამდე რამდენიმე დღით ადრე უკვე გაყიდული იყო. მსგავსი სიტუაცია იყო ასევე მოსკოვში, სადაც "მგზავრებმა" 7 აპრილს გამართეს კონცერტი. ინტერნეტსივრცეში უკვე ვრცელდება კონცერტზე მობილურით გადაღებული ფრაგმენტები, ხოლო თავად "მგზავრებმა" მოსკოვური ანშლაგის ამსახველი მოკლე ვიდეორგოლი დაამზადა. მასგავს ანშლაგს ელოდებიან ს.-პეტერბურგშიც, თუმცა, ქალაქში დილიდან დაირხა ხმა, რომ კონცერტი, შესაძლოა, გადაიდოს, ქართული საზოგადოების მხრიდან 9 აპრილს კონცერტის დანიშვნიდსადმი უარყოფითი დამოკიდებულების გამო.
შეგახსენებთ, კონცერტის გამო ატეხილი ხმაურის შემდეგ გამოხმაურება "მგზავრების" სოლისტის გიგი დედალამაზიშვილის დამ გამოაქვეყნა და დაწერა, რომ სკეპტიკური დამოკიდებულება ნაადრევია, რადგან ჯგუფი კონცერტზე სიურპრიზის სახით ამზადებს ვიდეოინსტალაციას და წუთიერი დუმილით აპირებს პატივი მიაგოს 9 აპრილს დაღუპულთა ხსოვნას.
