2016-03-28 10:31

საპარლამენტო უმრავლესობის წევრი დავით ლორთქიფანიძე, რომელმაც ინგა გრიგოლიას პირადი ცხოვრების კონტექსტში მიმართა და საპასუხო რეპლიკა, მოგვიანებით კი ინგა გრიგოლიას ქალიშვილის მკაცრი პასუხი დაიმსახურა, აცხადებს, რომ გრიგოლიას შვილის აგრესიის უპასუხოდ დატოვებას არ აპირებს. 

„მე ამას ასე არ დავტოვებ. მე ვაპირებ ამასთან დაკავშირებით პრესკომფერენცია გავმართო და სერიოზული განცხადება გავაკეთო...ამასთან დაკავშირებით მე მართლა გავაკეთებ სერიოზულ განცხადებას და, რასაკვირველია, პრესაც და ტელევიზიაც იქნება ინფორმირებული, რატომ აქვს ინგას შვილს აგრესია და საიდან მოდის ეს ყველაფერი!..

სხვათაშორის მე არ ვიცოდი, მისი გამოხტომის შემდეგ დამირეკა ასეულობით ადამიანმა, ბევრმა გამახსენა რაღაც თემები,სადაც პირადად იკვეთება ინგას შვილის... იკვეთება კი არა პირდაპირ ჩანს, ვისი გუნდის აქტიური მხარდამჭერია. სწორედ ამაზე გავაკეთებ განცხადებას ამ კვირის განავლობაში.

სხვათაშორის არც ეს ვიცოდი და მითხრეს, რომ ეს გოგონა ყოფილა შინაგან საქმეთა სამინისტროს თანამშრომელი... მე არ ვკითხულობ ვინ რატომაა შეყვარებული, ვის სად ყავს შეყვარებული... თუმცა მე არ გამიკვირდება, ზოგიერთის ყოფილი ან ახლანდელი შეყვარებული მაღალჩინოსანიც რომ აღმოჩნდეს. აწი ბევრი რაღაცით დავინტერესდები და ძალიან საინტერესოდ განვოთარდება მოვლენები.“-აცხადებს საპარლამნეტი უმრავლესობის წევრი დავით ლორთქიფანიძე. 

"მოგესალმებით, შეყვარებულო ქალბატონო ინგა!", - ასე მიესალმა ტვ "პირველის" სტუდიაში მიწვეული დავით ლორთქიფანიძე ინგა გრიგოლიას, თუმცა, როცა წამყვანმა რეპლიკის გამეორება სთხოვა, უკან დაიხია და ფრაზა მთლიანად მხოლოდ მას შემდეგ გაიმეორა, რაც ინგა გრიგოლია მესამედ დაეკითხა.

ინგა გრიგოლიას ქალიშვილი დეპუტატის უტაქტობამ აღაშფოთა და მას "ფეისბუქზე" გასცა პასუხი: 

"ეღადავე შენი ოჯახის წევრებს შე ქათამო! უტაქტო! უნამუსო! თავხედო! და თუ ამბობ, ნუ ჩმორდები მერე და ბოლომდე იკაცე, შე ქალო!", - დაწერა მან სტატუსად ეთერის შემდეგ.